【ないものねだり】

luka lili mi li lon insa selo pi uta sina.
ona li jo e telo lili la ona li pilin kiwen lili.
taso, ni li kiwen ala sama lawa mi pi ilo tenpo.

loje insa pi uta sina li seli, li kiwen ala la ona li len e luka lili mi.
kon sina li seli, li weka tan poka luka lili mi.

tenpo awen la mi pilin ala e ni: mi wile jo e lawa sama jan.
taso, mi lukin e sina lon tenpo ni la mi wile e ona.
mi jo e uta la mi ken e ni: uta mi li luka e uta sina li pilin e seli sina.

“…sina o?”

mi tawa ala tan ni: mi pilin e ona la sina toki tawa mi.
mi lukin sin e sina la sina lukin e mi tan anpa sina.

kalama pi toki sina li sama telo awen ala tan luka lili mi lon insa uta sina.
sinpin sina li loje lili.
tan ni la pilin mi li kama seli li tawa sama seli.
wile mi li kama suli.
mi toki e ni: “n, ijo ala.”

【好きじゃないのに】

insa lawa mi li kama seli li kama telo tan seli sina.
seli sijelo sina li pana e pilin pona tawa mi.
tan ni la mi ken ala lawa e mi.
tan ni la uta mi li pana e kalama sewi.
ni la mi pilin pona ala.

luka mi li len e uta mi tan ni:
mi wile e ni: uta mi li ken ala pana e kalama.
sina lukin e ni la sina toki e ni:
“o weka e luka sina tan uta sina.”
mi toki e ni lon anpa luka mi:
“... mi ken ala.”
“ni li tan seme?”
“... mi wile ala e ni: sina kute e kalama mi ni.”

tan ni la sina luka e sinpin mi sama suwi, li toki e ni:
“mi wile kute e kalama sina la sina ken ala anu seme?”

sijelo sina li kama poka mi la mi pilin mute e sina.
seli sina li pona. kalama sina pi sama ilo tenpo li pona.
oko mi li kama jo e seli en telo lili tan pilin pona.
tan sina la mi kama seli mute.

tan ni la
luka sina li kama jo e luka mi la mi ken ala weka e luka sina.
uta mi li pana e kalama sewi pi wile ala mi tan ni: luka mi li weka e uta mi.
taso mi wile ala len e ni.
mi awen jo e luka sina, sama mi pana lili e mi tawa sina.
ni la sina kalama lili sama pona kepeken pilin sina.

mi lukin e ni la,
kalama mi li pona ala tawa mi. taso lon tenpo ni taso la ni li kama lili:
ona li ike ala tan ni: ona li pona tawa sina.

【特別な存在】

tenpo pini la mi lon ma utala pi kon seli.
lon ma ni la mi ante mute tawa jan pi kulupu utala mi
tan ni: luka mi li jo e wawa pipi.

mi wile ala e ni. taso mama mi li pana e wawa ona tawa mi.
tan ni la mi wile ala e ni: mi ante mute tawa jan mute.

jan pi kulupu utala mi li toki pona tawa luka mi.
taso, luka mi pi wawa pipi en lukin pi jan mute li pana e pilin ike mute tawa mi.

tenpo ni la mi lon kulupu sina.
lon kulupu ni la mi lon jan wan pi kulupu ni, li lon jan anpa sina wan.
mi jo e wawa pipi, taso mi ken lon ni sama jan wan.
ni la mi pilin pona.

taso, lon kulupu ni la sina ante mute.
sina suli tawa jan kulupu mi en mi.
tan ni: jan kulupu mi en mi li kama moli la sina ken pana e kon sin tawa ona.

mi lon poka sina la mi pilin e ni:
sina pilin seme tan ni: sina suli tawa jan kulupu mi en mi?

mi wile ala e wawa pipi lon luka mi, taso mama mi li pana e ona tawa mi.
ken la sina kin li wile ala e wawa pi pana e kon sin,
taso jan seme li pana e ona tawa sina?

nasin sina ni li sama nasin mi.

mi pilin ike mute e wawa pipi, e lukin pi jan mute, e wile pi jan mute tawa mi.

taso, sina toki e ni:
“tan ni: mi jan lawa sina.”

sina ken toki e ni tan seme?
sina ken jo e pilin ike mute pi jan kulupu mi en mi tan seme?

mi sona ala e ale.
taso, mi pilin pona tawa sina, tan ni: sina jo e ike mi lili.

tan ni la mi ken ala kama sona e tan pi insa sina.
lon tenpo pi mi ken ala toki la mi awen lon poka sina.

【胸が高鳴る】

mi kama ala e jan lili tan ni: tenpo mi li suli.
tan ni la pilin mi li tawa ala tan ijo lili.
jan suli li sama ni.

jan suli li wile ala tawa e ale, li wile awen.
tawa li kepeken wawa, li kama ike lili tawa sijelo anu pilin.
taso, awen li kepeken ala wawa, li awen pona lili.

jan suli li jo e wawa, taso jan suli li jo ala e wawa kon.
lon tenpo mute la, jan suli li wile ala moli, li wile awen taso.
mi kin sama ni.

taso, tan seme la ni li kama?

sina lukin tawa mi la,
sina toki tawa mi la,
sina luka e mi la,
pilin mi li tawa mute.
ona li sama ni: pilin li wile tawa sewi.
pilin li lon insa sijelo mi, li tawa mute, li pana e telo tawa sijelo mi ale.
tan ni la mi ken ala awen.
taso mi wile ala pini e ona.

mi jan suli, taso pilin mi li tawa mute la,
ken la mi kama moli lon tenpo kama lili tan sina taso.

【不条理】

tenpo pini suno seme la luka mi li ante e lukin sama ijo jaki pi lukin pipi.

mama mi li pana e ni tawa mi.
mama mi li wile e ni: mi kama ken utala li pakala e jan mute lon ma utala.

mi wile ala taso luka mi li utala e jan.
loje lon insa jan li sama kili li kama pakala sama open lupa tan luka mi, li pana e telo mute.

ma ni li jo ala e nasin mute.
ma ni li sama ni.

tenpo pini suno seme la pali kulupu ona li pakala e tomo kulupu ona en jan lon tomo ona.

tenpo pini suno seme la ona li tawa lon ma poka la monsuta pi sona ala li pana e moli tawa jan mute en jan pona ona.

tenpo pini suno seme la mi open e oko tan lape la luka mi li ante e lukin sama ijo jaki pi lukin pipi.

jan mute li jo e ike mute, taso ona li ken ala sona e tan ona.

ma ni li jo ala e nasin mute.
ma ni li sama ni.

taso, jan mute en mi kin li ken ala wile e moli la jan mute lon ma ni li awen lon taso lon tenpo ni.
mi sona ala e ni: ni li pona anu ike.

ma ni li jo ala e nasin mute.
ma ni li sama ni.

mi awen lon ni:
poka luka mi ni, poka ike mute, poka ma ni.
tan ni la mi kin ken ala ante e ni.