【胸が高鳴る】

mi kama ala e jan lili tan ni: tenpo mi li suli.
tan ni la pilin mi li tawa ala tan ijo lili.
jan suli li sama ni.

jan suli li wile ala tawa e ale, li wile awen.
tawa li kepeken wawa, li kama ike lili tawa sijelo anu pilin.
taso, awen li kepeken ala wawa, li awen pona lili.

jan suli li jo e wawa, taso jan suli li jo ala e wawa kon.
lon tenpo mute la, jan suli li wile ala moli, li wile awen taso.
mi kin sama ni.

taso, tan seme la ni li kama?

sina lukin tawa mi la,
sina toki tawa mi la,
sina luka e mi la,
pilin mi li tawa mute.
ona li sama ni: pilin li wile tawa sewi.
pilin li lon insa sijelo mi, li tawa mute, li pana e telo tawa sijelo mi ale.
tan ni la mi ken ala awen.
taso mi wile ala pini e ona.

mi jan suli, taso pilin mi li tawa mute la,
ken la mi kama moli lon tenpo kama lili tan sina taso.

【不条理】

tenpo pini suno seme la luka mi li ante e lukin sama ijo jaki pi lukin pipi.

mama mi li pana e ni tawa mi.
mama mi li wile e ni: mi kama ken utala li pakala e jan mute lon ma utala.

mi wile ala taso luka mi li utala e jan.
loje lon insa jan li sama kili li kama pakala sama open lupa tan luka mi, li pana e telo mute.

ma ni li jo ala e nasin mute.
ma ni li sama ni.

tenpo pini suno seme la pali kulupu ona li pakala e tomo kulupu ona en jan lon tomo ona.

tenpo pini suno seme la ona li tawa lon ma poka la monsuta pi sona ala li pana e moli tawa jan mute en jan pona ona.

tenpo pini suno seme la mi open e oko tan lape la luka mi li ante e lukin sama ijo jaki pi lukin pipi.

jan mute li jo e ike mute, taso ona li ken ala sona e tan ona.

ma ni li jo ala e nasin mute.
ma ni li sama ni.

taso, jan mute en mi kin li ken ala wile e moli la jan mute lon ma ni li awen lon taso lon tenpo ni.
mi sona ala e ni: ni li pona anu ike.

ma ni li jo ala e nasin mute.
ma ni li sama ni.

mi awen lon ni:
poka luka mi ni, poka ike mute, poka ma ni.
tan ni la mi kin ken ala ante e ni.

【もっと知りたい】

tenpo mi open e oko mi tan lape lon ma kasi pimeja mute la
mi sona ala e ale.

tenpo ni la mi kama lon kulupu ni tan jan sona pi nasin mi.
tan ni la mi kama sona e sina.

sina pilin pona tan ni: sina moku e kon seli pi kasi moli.
mi sona ala e ona tan ni: mi moku ala e ona.
taso mi kama sona e nimi pona ona tawa sina tan ni: mi lukin e sina.

mi en kulupu mi li tawa ma pilin sina.
ma pilin sina li sama ma utala pi tenpo pini sina.

mi sona ala e utala ni.
taso mi kama sona e ni:
utala pini sina li pana awen e ike tawa sijelo sina en pilin sina
tan ni: mi lukin e ona lon ma pilin sina.

tenpo pini la sina toki pona tawa jan ale
tan ni: sina wile ala open e utala toki.

mi sona ala e pilin sina lon insa toki
tan ni: mi toki lili taso poka sina lon tenpo ona.
taso mi kama sona e sinpin pona sina pi pilin musi tan tenpo mute.

tenpo mi luka e sina la sina toki e ni: o luka ala.
mi sona ala e pilin sina lon tenpo ona
tan ni: mi pilin e ni: sina pilin ike tawa luka mi.

taso mi kama sona e pilin sina len:
tenpo mi luka e sina la sina toki sama ike
taso sina weka ala e mi.
sina pilin monsuta e wawa luka sina.

tenpo mi toki kepeken pilin olin tawa sina la
sina weka e sinpin sina.

mi kama sona lili e nimi ona:
tan ni: kute sina lon lukin mi li kama loje.

mi kama sona e pilin mi ni:
sina suwi tawa mi.

mi sona ala e mute.
taso mi kama sona tan tenpo.

tan ni la mi wile e ni:
mi kama sona mute e sina.

【愛と平和】

"mi kama pana e pona tawa ma lon nimi pi olin en pona, a!"

lon tenpo pini lili la mi kute e ni
tan monsuta sama jan meli lili pi lukin suwi.

taso ona li pakala e ma poka ona, e ma lili pi pona,
kepeken wawa monsuta lon insa ona.

tan ni la ona li wile e ni:
lon ma pona ala la jan mute li wile e ona tan olin en pona.

wile ona li ijo pi awen lon.
mi lukin e wile ona la mi kama sona e sina.

sina toki ala. taso, mi pilin e ni:
ken la sina wile lon ma seme, anu lon kulupu seme, lon poka jan seme.

taso sina pilin e ni:
tan luka mi ni la mi ken ala lon ma ona.

"o moli e mi... wile mi li moli mi..."

tenpo pini lili la mi kute e ni tan sina.

tenpo ona la sina pakala e ma lon poka sina
tan wawa sama monsuta lon luka sina lon insa sina,
kepeken ala wile sina.

tenpo ona la wawa sama monsuta lon luka sina li len en laea e sijelo sina.
taso, wawa ona li awen ala lon, li weka tan jan kulupu sina.
tan ni la, sina moli ala.

tenpo ni la mi pilin e ni:
monsuta sama jan lili suwi en sina li sama lili.

ona tu li pakala e ma kepeken wawa monsuta tan insa ona tu.

wile ona tu li lukin sama.
taso wile ona tu li ante.

tan ni la
toki pi wile monsuta suwi li pilin ala e ale tawa mi,
sama toki pi tan ala.

taso
toki pi wile sina li pilin ike lili tawa mi,
sama kama lete pi oko telo.

sina pilin e ni:
lon ma pi olin en pona la mi ken ala lon ma ona.

taso pilin sina li toki:
mi wile ala pakala e ma ona.

tan sina wile e ni la mi wile awen lon poka sina.
tan ni: sina awen moli ala.
mi wile e ni: sina kama wile ala e moli sina lon tenpo kama lon poka mi.

ken la nimi pi olin en pona li pona.
ken la utala tan nimi pi olin en pona li pona.

taso mi pilin pona mute tawa ni: sina toki ala e olin en pona, taso sina jo e pilin.

【過ぎ去った日々】

tenpo pini li tenpo weka tan mi.
taso tenpo ona li awen pakala e pilin mi.

lon ma ante la ken la mi sona ala e tenpo ona.
ni li ken kama pona tawa mi.

taso mi sona e ni:
mi wile e ni, taso ma ante li lon ala tawa mi pi lon ma ni.

tan ni la mi wile awen moli ala
lon poka tenpo pini mi pi pakala awen.

tenpo ni li lon poka mi.
tenpo ni li ike ala tawa mi, tan ni: sina lon poka mi, mi ken lon kulupu ni.

kin la tenpo ni li weka tan mi
li ante tawa tenpo pini mi.

ken la mi wile e ni:
tenpo ni li ante e pona tawa mi pi tenpo kama.