【欲望】

uta mi li open lili sama wile kon sin tan ni:
sina pana e seli tawa mi.

seli sina li sama ni:
seli mute li kama tawa mi.

tan ni la pilin mi lon insa li kama telo sama ko.
ko seli li kama telo.
ko kiwen li kama telo.
ko li tawa anpa tan wawa ma.

ona li kama telo mute, mi ken ala lawa.

seli li ante mi tawa telo la, mi pilin taso e ni:
mi wile poka sina,
mi wile mute e sina.

tenpo ni la ale li kama telo tan seli sina.
wile ni taso li ale tawa mi.

mi ken ala lawa e ale,
mi ken ala toki e ale.
tan ni la mi toki awen taso,
sama ni: mi kalama lili e nimi sina kepeken wile mi.

【小さな命】

あとで書く

【Love you】

あとで書く

【同情】

luka sina li lon luka mi.
luka ni li seli pona li pana e pilin seli tawa mi.
seli ni li sama pilin sina. tan ni la pilin mi li kama pona.

taso mi pilin e ni:
ken la sina pana e seli tawa mi tan ni: mi jo ala e seli.
sina pona. tan ni la sina pana e pilin seli tawa jan pi jo ala e seli.

mi sona e ona, taso mi ken ala weka e pilin sina tan ni: ona li pona mute tawa mi.
sina pana e seli tawa mi la mi ken jo e kon lili lon ma ni pi ike mute.

ona li sama misikeke pi weka e ike.
ken la ona li lon tawa mi.

mi wile e misikeke tan sina.
tan ni: ma ni li ike mute la awen lon li pona ala.
taso mi wile ala e moli.

pilin sina li olin ala. taso mi pilin ike ala.

【待ってて】

tenpo pini ni la sina toki e ni: sina o awen lon tenpo lili.

tan ni la mi wile awen, mi ken tawa.

mi awen taso e sina la mi pilin ike ala.
ni li tan seme?

ken la mi sona e ni: sina kama tawa poka mi. ni li lon.

ken la tenpo kama lili la mi kama kute e kalama noka sina.
mi kute e kalama pi nimi mi tan sina.

mi awen taso e sina.
tan ni: sina toki e "o awen."