【どうして】

あとで書く

【夢を見ていたい】

tenpo ni la ma ni li pona tan seli en suno.
ma ni li suno, li jo e kon pona, li lon mi en sina taso.
mi pilin pona tan ni.

mi sona e ni: ni li lon ala.

tenpo ni la luka mi tu li sama luka jan.
luka mi tu li kama tawa lawa sina, li luka e ona.
luka mi tu li pana ala e pakala tawa sina.
mi pilin e kiwen ala tan ni.

mi sona e ni: ni li lon ala.

tenpo ni la lawa sina li sama lawa jan.
lawa sina li jo e oko en uta kin.
uta sina li ken tawa uta mi, la mi pini e oko mi.
mi pilin e kiwen ala tan ni.

mi sona e ni: ni li lon ala.

tenpo la uta sina li luka e uta mi, li weka tan ona la uta mi li weka e kon lili, li toki lili kepeken lawa ala mi:

“mi pilin pona mute.”

sina toki e ni:

“mi kin.”

kon pona li kama tawa ma ni, suno pona li len e mi en sina.
ma ni li jo e ale pona pi wile mi.

mi sona e ni: ni li lon ala.

mi sona e ni: ma mi lon li suno lili, li jo e pimeja lili, li moli mute, li ike mute.
mi en sina li jo ala e sijelo ale sama jan.
mi ken ala pilin sama ni tan ni: mi jo e ike mute.

ken la ma ni li lon…

mi wile e ni.

ken la mi ken awen lon ma ni la…
ni li pona mute tawa mi.

tenpo ni la mi kama open tan ma lape.
ma ni li awen sama mi sona.

tan ni la mi weka e kon lili sama pilin ike tan uta mi.
tan ni: mi sona e ni: ma lape li lon ala.
mi pilin ike tan ni: mi lon ma ni.

mi lukin e luka mi pi sama pipi, sama ike mi.
mi wile weka e ona. ken la ni li ken lon ma lape taso.

taso, tan ni: ma ni li jo e sina la…
mi ken ala moli. mi ken tawa nasin mi lon ma ni, lon poka sina.

【ずっとこのまま】

あとで書く

【雪】

あとで書く

【幸せとは】

あとで書く