【君を照らす月】

tenpo pimeja ni la, mi kama tawa tomo tawa.
kepeken pilin lili, ken la mi wile e kon sin.

mi kama insa tomo la, mi lukin e sina lon tomo ni.
tan sina pali e pali pi tenpo pimeja la, sina lon ni.
sina kama ala sona e mi kama lon ni.
sina lukin awen e ma poka tan lupa tomo la, kalama li ala.

suno mun li kama walo tawa sina tan lupa tomo.
sama seli ala taso lete ala.

lon tenpo ni la sina pilin e seme lon suno mun?
tan suno mun la, sinpin sina li pimeja, mi ken ala lukin pona e sinpin sina.

mi lukin sina la, mi pilin e ni:
sina lon suno mun la, sina sama weka sama telo anu kon tawa tomo ni pi kalama ala.

tan ni la pilin mi li tawa lili.
anpa supa pi noka mi li kalama lili.
sina kute e kalama ni la, sina sona e mi.
sina lukin mi la, sina toki lili e ni.

“a, sina… tan seme la kama tawa ni?”

toki sina li kalama lili sama wawa ala la, mi tawa poka sina kepeken pilin tawa lili.

mi toki ala e tan toki sina, mi toki e ni.
“…sina o, pona anu seme?”
“a…? mi sama tenpo awen.”

sina lukin e mi kepeken pilin sama nasa e mi.
mi kama luka e sinpin sina, la sina tawa pilin lili.
luka mi li jo e seli sina tan luka mi lon selo sina.
tan ni la, mi kama pilin pona lili.
tan kama sona mute e ni: sina li lon ni, sama ala weka pi tawa suno mun.

mi toki ala en awen luka la, sina toki e ni kepeken pilin sama sina ken ala sona e pilin mi.

“a…, sina o? ijo pi seme?”
“…ijo ala. ken la mi pilin lili sama wile poka sina.”
“toki sina li…, a…, … mi kama sona.”

toki sina li jo e kalama sama pilin nasa e mi taso sama pilin olin lili tawa mi.

tan mi pilin e ona la, mi kama toki e ni.

“tan ni la, mi wile e sina kama mute poka mi, taso… sina ken e wile mi anu seme?”
“m… sina ken, e ni.”

tan toki sina la, mi kama sina tawa poka sijelo mi.
sama e ni: mi lanpan e sina tan suno mun.
tan mi la mun li kama ken ala lukin e sina.

【木漏れ日の跡】

mi en sina li lon ma pi jan mute lon tenpo ni.
tan tenpo mute la jan pi kulupu mi li lon tomo tawa pi kulupu mi, taso lon tomo moku pi ma pi jan mute lon tenpo ni li nasa lili.
supa moku ni li lon e insa ala tomo moku, sama ma poka.
lukin e poka la jan mute li tawa.
sewi mi li kasi suli la suno li lili tan kasi, li pana e seli pona.

sina moku e pan.
tan lawa mi li ilo tenpo, mi ken ala moku e ale.
tan ni la, mi moku ala, awen lon ni, lukin sina.

sina moku e pan, pan ni li lukin pi moku pona.
mi pilin pona tawa sina pi moku pona.
kama la sinpin sina li ante e pilin ike lili, sina toki e ni:

“a… sina lukin awen mi la mi pilin lili e ni: mi kama ken ala moku tan ona.”
“a, mi ike tawa sina la mi kama lukin ala tawa sina.”
“a, pilin lili. tan ni la, suli ala taso…”

sina toki e ona la, sina pana e kon lili sina. en sina moku lili e telo pi pimeja.

mi lukin weka sina, lukin e ma poka.
sewi li laso en lon suno.
ni li pali tan kepeken ilo, suno ni lon sewi li ala e suno pi lon taso.
mi sona e ona taso lukin ni li sama pona.

mi lukin ala taso mi pilin e sina moku.
mi awen la mi pilin e tenpo li tawa lili.

tenpo mute la mi en sina, jan pi kulupu mi li insa utala tan pali mi.
tan ni la, tenpo ni li pilin e suli lili.
ken la tenpo ni li lili taso.
ken la suno ni lon sewi li ala e suno pi lon taso.

mi lukin lili e sina.
sina li kepeken luka wan la pona e moku, li moku e sama pona.
mi lukin ni la kama pilin pona.
ni li pona taso.

tenpo pini pi sina moku la mi en sina li kama tawa e tomo tawa pi kulupu mi.
suno pi tan kasi li lon awen e supa pi moku, li lon weka e mi en sina.
taso, seli pona pi suno li lon awen lili e mi en sina.

【ささやかな約束】

tenpo utala pi pali mi la mi lawa e jan pi kulupu mi.
tenpo suno ni pi utala la sina kama pakala e jan ike pi mute tan utala pi sina wan.
tan ni la mi toki e ni lon tenpo ona: “tan sina pona tawa utala ni la mi pana e pona lon tenpo kama lili.”

tenpo ona la toki mi ni li kepeken ala pilin suli, ken la sina sona e ni.
tan ni la, mi toki e sina o kama tawa tomo mi lon tenpo pini pali; mi kepeken ala pilin suli kin.
mi wile e lon poka sina taso.

taso, sina pi kama lon tomo mi li lukin e nasa lili.
sama ken ala awen pilin, sama jo ala e ma tawa anpa pi noka sina.
tan mi sona ala e tan ona la, mi toki e ni tawa sina:

“sina o, ijo pi seme?”
“a… ijo ala. sina o kama wile ala sona.”

sina li toki ala la, mi kama ala sona e tan ona.
la mi toki wan taso e sama kalama.
mi lawa lili, en mi kama pana e len sewi tawa palisa pi len.
sina awen e lon supa lape mi la, sina pana tawa e lukin sina sama kala pi lon telo.

mi kama poka sina la, sina tawa lili sama pilin kiwen.
tan ni la mi pilin lili e ni: sina wile e seme tan mi?
mi kama lon poka sina tan mi lukin e sinpin sina, la supa lape pi anpa mi li kalama lili sama pakala lili pi kiwen ala.

ken la sina wile awen pilin tawa mi.
taso oko sina li lukin ala e mi kepeken pilin sina la mi kama sona e nasa lili pi pilin sina.
mi toki e ni kepeken lukin sama pilin awen:

“sina pona e pali lon tenpo suno ni.”
“a, pona? n, ken la, pona…”

kalama pi toki sina ni li sama sewi nasa, la mi kama sona e tan wile sina tawa mi.
tan ni la, mi kama pilin olin lili en musi lili tawa sina, en toki e ni:

“tenpo pali pi suno ni la pali li pona tan pali sina. tan ni la…, mi wile e pana e ijo pona tawa sina, la sina wile e seme tawa mi?”

tan toki mi la sina kama kalama pi toki ala kepeken pilin sina sama palaka lili pi ike ala.
tanpo lili la, sina toki e ni kepeken wile pi mi sona ala e pilin sina:

“a… tenpo pali pi suno ni la sina toki e ona, taso mi wile ala e ni, tan mi pali e pali mi taso.”

tan toki sina la mi pilin kepeken tenpo lili. toki tawa sina:

“sina toki ni, taso… tenpo ni la mi kama wile pana e ijo pona. tan ni la, sina ken ala ken pona e ni?: mi pana e ijo pi wile mi tawa sina.”
“ijo pi wile sina…?”

tan sina toki la mi toki ala.
mi kama luka e insa lawa sina en sinpin sina tan luka mi.
mi awen luka kepeken pilin olin tawa sina.
oko sina li ante e open suli sama sike.

“a, sina o, ijo e, seme?”

sina toki e ona kepeken kalama kipisi, tan loje li kama lon sinpin sina.
lukin ni li sama pilin pona la mi pilin pona kin.
tan ni la mi toki e ni:

“mi wile la mi pali e ni taso, ni li ike ala ike tawa sina?”

sina luka tawa luka mi wan, taso wile ala weka e luka mi.
sina weka e lukin sina tan mi, en toki lili pi kalama lili.

“… ike, ala, tawa mi. sina wile la, sina o ken e ni…”

pini e toki sina la uta sina li pini sama linja wan.
tan lukin ni la, mi kama pilin mute e olin tawa sina, sama wile luka wan e uta sina pi tan uta mi.

sina kama jo e pilin suli, tan toki mi pi suli ala pi tenpo pini taso.
taso, sina ken ala toki e wile sina tawa mi.
sinpin sina li toki e wile sina tawa mi.
mi kama luka e sina la sinpin sina li ante e loje sama pilin pona.
taso, sina kama toki e sama pona ala.
tan ale ni la, mi pilin mute e olin en suwi tawa sina.

mi wile pana e pona tawa sina kepeken pilin mute mi la, luka mi li tawa e sina tan ni: sina kama poka mi.

【祈りの果て】

tenpo pali pini la sina lon tomo mi.
sina pana e sijelo sina sama telo anu ko lon sewi pi supa lape pi mi, tan pali pi tenpo suno ni li pana e ike sijelo en pilin tawa sina.
mi li jan lawa pi pali tawa sina, la ike lon sina li lon tan mi.
tan ni la, mi kama luka e lawa sina kepeken pilin sama wile pana e pona.

mi luka, taso sina tawa ala la sina wile ala weka e luka mi, tan sama pana e pilin sina tawa mi.
mi pilin pona e ni.
tan ni la, mi toki ala la mi luka awen e lawa sina kepeken pilin mi.

tenpo ni la mi wile pana pona tawa sina.
mi wile e pona tawa sina.
ni li lon.
mi sona ala e tenpo kama, ken la tenpo kama la wile mi li ante.
taso, ken awen la mi wile mute e ni: wile mi ni li kama lon.
ken la mi lon ala poka sina lon tenpo ona, taso.

kan la, tenpo kama pi mi weka sina la wile mi ni li pana e pakala pilin tawa mi anu seme?
tenpo pi pini pi wile mi ni la mi pilin e seme?
tenpo ona la, mi wile e pakala pilin tawa mi.
tan ona li kama sona e pilin olin mi pi tenpo ni pi tawa sina.

【心の迷路】

ma pi nasin pilin li jasima e pilin pi jan wan.
ken la, ni li sama sitelen pi nasin mute nasa lon lipu.
jan pi kulupu mi li lukin en tawa mute e ma pi nasin pilin tan pali lon tenpo pini, en ma pi nasin pilin pi mi kin.

sitelen nasin mute li lukin nasa, taso ni li jo e nasin pona, e pini.
taso, tenpo pini pi tawa ma pi nasin pilin pi mi la, ma ona li jo ala e pini.

ijo ona li tan e ni: mi li ken ala weka e pilin pini pi utala, e lawa pi tan mama mi.
ijo ona li lon tenpo pini, lon tenpo ni, kin la lon tenpo kama.
mi awen wile mute weka e pilin pini mi pi utala, e lawa pi tan mama mi.
taso, wile mi li kama lon ala.

ten ni la, mi pilin e ni: ken la, mi tawa ma pi nasin pilin pi mi lon tenpo ni kin la ma ona li pini ala pi awen.
jan li lukin e ni la pilin e seme? kin la pilin e wawa ala tawa mi. mi pilin kin.
sina pilin sama ni tawa mi anu seme?
kin la mi pilin e sina pilin sama ni.