【光と影】

ma ni li lon e ike mute.
jan mute lon ma ni li jo e pakala tawa pilin, mi kin.
tan ni la, mi pilin e lukin suno lon sina?
tan e sina kama pana e pona tawa mi.
sama pimeja li mute la suno lili li wawa tawa ona.

taso, suno li kama wawa la pimeja li mute e kule pimeja.
mi kama jo lili e seli tan sina.
tan ni la, tenpo kama la sina weka mi, pilin mi li jo e lete mute.

mi pilin monsuta e ona, taso mi ken ala weka, wile jo e suno pi seli.
mi sona e ni: tenpo kama la pilin mi li pakala en li lete tan wile e suno.
sama pipi moli tawa suno.

【そして、】

mi en sina li lon tomo sina lon tenpo suno anpa.
mi en sina li toki lili tan pali, li pini e toki pali pi suli ala.

mi pilin lili e kama mi pi tenpo kama, en mi kama moku e telo pimeja pi lete lili kepeken tenpo mute.

mi en sina li olin tu, en tomo ni li lon sina en mi taso.
tan ni la mi wile e awen lon tomo ni poka sina.
taso, mi en sina li toki pali lon tenpo pini lili la, mi ken ala e toki olin tawa sina lon tenpo ni.

mi toki ala la, telo pi insa poki li kama e lili tawa tenpo lili.
tenpo pini pi toki pali la telo ni li mute.
mi lukin e telo lili ni la, uta mi li weka e kon lili pi tan telo lete ni.

tenpo moku pini e telo ni la, mi kama weka tomo.
mi ken lukin ala e pilin mi.

tan ni la, sina pana e ilo pali sina tawa supa la sina kama lukin e mi en toki e ni.
“sina kama ala kama tawa tomo sina?”
“mi tawa. a, tan tenpo ni li kama e pimeja la sina wile e lape anu seme?”

mi len e pilin mi kepeken sinpin musi lili.
mi wile ala suli li mi ike tawa sina.

tan toki mi, sina kama pilin pi seme kepeken tenpo lili la toki e ni.
“ken la sina pona la, sina awen lon lon tenpo lili, tan mi wile e ijo tawa sina.”

sina toki ona la, sina kama jo e ijo, en pana e ijo ona tawa mi.
ijo ni li telo jelo pi nasa musi.

“a, tenpo pali la, sina ken ala moku e ni, taso tenpo ni li sina ken moku e ni tan tenpo ni li tenpo pali ala.”

mi jo e ona tawa sina.
mi awen sona e ni: sina ken ala moku e ale, e telo ni kin.
tan ni la mi kama sona e ni: telo ni li lon lon ni tan sina pana tawa mi.
mi ken sona e ni: ken la pilin sina li sama pilin mi ─ pilin e lon poka kin.

tan ni la, mi toki e ni.
“tan ni la… mi kama moku e ni lon tenpo ni la sina pona anu seme?”

sina kama toki e pona.
mi kama kin pana e monsi anpa mi tawa supa la, mi moku e telo pi nasa musi pi lete.
telo ni li lete mute, taso li pana e seli lili pi pona sama nasa tawa insa sijelo mi.

telo ni li mute lon tenpo ni.
tan ni la, mi lon ni.
tenpo kama lili la telo ni li lili.
taso lon tenpo pi ona la, mi awen lon ni, kama la…

【tiny love】

tenpo pali en tenpo awen la, luka sina li lon e len luka pi pimeja.
ona li lon kepeken selo soweli, li lukin pona tan luka lili sina li sama palisa.
luka sina li kepeken e ilo pali sina lon tenpo mute.

tenpo mi en sina taso la, sina weka e len luka ni.
kama la, luka sina li jo e luka mi.
jan pi kulupu mi li lukin e luka sina pi len ala lon tenpo seme?
ken la, jan pi lukin e ona li mi taso.

tan luka sina pi len ala la, luka sina li pana e seli sina tawa luka mi.
selo pi luka sina li tawa kepeken luka mi.
ona li suli lili taso li pona lukin mute.
luka sina en luka mi li poka mute, sama wan.
ni taso la, mi pona.

【おもてなし】

tenpo mute la, jan li kama tawa tomo tawa pi kulupu mi.
kama ni la, jan pi kulupu mi li utala e ona; ona li moli.
jan pi kulupu mi li pana e sijelo moli tawa tomo tawa pi kulupu mi.
tomo tawa pi kulupu mi li moku e sijelo.
tan e ni: jan pi kulupu mi li wile tawa awen e nasin. ni li pali tawa mi en ona.

mi en ona li wile ala e moli pi jan.
ken la, jan pi utala tawa mi li wile ala e utala.
ken la, jan ona li jo e tan suli.
taso, jan ale li utala, tan wile suli pi wan en wan.
tan ni la, mi en ona li pana ala e pilin tawa jan pi utala tawa mi.

tenpo kama la, nasin pi utala en moli li awen.

tenpo ni la, jan li kama.
lupa pi tomo tawa li open.
mi toki e ni: jan mute li o tawa. li o moli. li o pana moli.

【消えない焔】

tan e sina la sijelo mi li tawa lili, li len e telo.
lukin mi li kama pakala sama insa pi ma telo tan mi weka e ilo lukin lon tenpo ni.
ken la, tan e oko mi li jo e telo la, lukin mi li sama ona.
tan ni la, mi ken ala lukin e sinpin sina.

tan e sina la sijelo mi li tawa lili en suli sama kala pi lon ma pi telo ala.
noka mi li kama ala wawa, taso li tawa lili tan lawa ala pilin mi tan seli sina.
tan ni la, luka mi li tawa sina sama wile e pona, li kama poka sijelo sina.

tan e sina la sijelo mi li insa seli pi sama pilin ike tan pona mute.
uta mi li kalama e toki ala, e nimi sina taso tan kon seli mi.
tan ni la, sina kama toki e nimi mi kin kepeken pilin sama olin.

lawa mi li sama ko tan seli mute la, mi kama sona ala e lukin mi pi nasa sama insa pi ma telo.
taso, seli pi sewi pi lawa sina li suno lon lukin mi pi nasa.
lukin mi pi tawa lili en suli tan sijelo mi li awen lukin e suno ona la, lawa mi pi nasa tan seli li kama pilin e pona.

tan e sina la mi lawa ala pilin mi e ale mi.
seli pi sewi pi lawa sina li awen seli.
mi awen lukin taso e ona lon seli mute pi tan sina, sama pipi tawa poka suno.