【静寂の中心で】

tenpo pini lili lili la utala monsuta li pini tawa mi en kulupu mi.
utala ni li pona ala.
tan ni la jan ale pi kulupu mi li kama moli, taso jan wan li moli ala.
ona... sina jo e pakala mute lon sijelo sina tan utala monsuta.
sina len e telo loje, en sina kepeken ala wawa lon poka ma.
mi kama lon insa ma pi utala pini, lon jan moli pi kulupu mi, en mi tawa poka sina.

"sina o... ken pona?"
"a, pona ala, taso moli ala."
"tenpo ni la mi kama sike e ilo tenpo."
"sina o pali ala. tan pakala mi li kama pona lon tenpo lili."
"taso..."
"sina wile kama sike e ilo tenpo tawa jan ale la sijelo en kon pi sina li kama e pona ala."

sina toki e ni en sina seli e kasi moli pi len lipu.
mi sona e ni: mi kama sike e ilo tenpo tan jan sina la mi pilin ike en pakala pi mute.
taso,

"taso, mi ken ala awen e pakala tawa sina. tan ni la mi wile weka e pakala sina."
"sina kama ala e ni la mi pilin ala ike e ni. taso sina toki e sama?"
"mi toki sama. tan mi wile ala lukin e sina pi pakala."

sina moku e kon seli pi kasi moli.
kon seli taso li tawa lon ma ni.

"mi sona e toki pi sina. a... wile la mi kama moku pini e ni. sina ken awen?"
"mi ken."

sina moku kepeken tenpo mute e ni. mi awen e ni.
sina toki ala. mi kin.
tenpo kasi moli pi len lipu li kama seli pini la sina toki lili.

"... mi ike tawa mi lon tenpo suno ale."
"sina ike ala, mi kin li pana e ijo ike tawa sina en jan ale pi kulupu mi."
"sina wile ala pilin e ni. ijo li pali mi."
"sina kin. mi kama pali taso."

sinpin pi mi en sina li kama e pilin seme.
mi pini e oko la mi kama sike e ilo tenpo lon insa ma pi kalama ala.

【燃える葉】

ilo kasi seli li seli lili. sina moku e kon pi kasi seli lili.
mi lukin e ni.
kasi moli pi len lipu li seli lili kepeken tenpo mute.
kama la ni li kama e kon seli.

mi lon poka sina lon tenpo suli la mi kama sona e ni: ona sina li sama ala e ona pi jan ante.
tan ante e kasi.
jan li lukin sama e kasi moli.
taso, tenpo seli li ona la ona li kama e kon ante.

ma ante li jo e sina ante.
sina ante... ona li sama sina taso sina ala.
sama kasi... tan, lon ma ante la ante e ken pi sina.
lukin sama, taso jo e kon ante.

mi pilin pona e kon seli pi sina ante. taso, mi pilin pona mute e kon seli pi sina pi lon ma ni.

ilo kasi seli li seli lili. sina moku e kon pi kasi seli lili.
mi lukin e ni.
mi lukin kasi seli. en mi lukin e sina.

【moonlight】

mi moku e kon seli pi kasi lon poka ma pi tomo tawa.
mi lukin e sewi pimeja la mun sike pi walo li lon lon ona.
ken la mun ni li lon ala, taso mi pilin suli ala.
ijo li suli li suno walo lon sewi pimeja la ni li mun tawa mi.

"sina o, pilin e ijo seme?"
sina pana e toki tawa mi.
sina lon insa tomo tawa lon tenpo pini lili taso, sina kama lon poka mi lon tenpo ni.
mi lukin lili tawa sina. mi li toki e ni.
"ijo ala. mi lukin mun taso."
"a. mun pi tenpo suno ni li lukin pona."

mi moku e kon seli en lukin tawa sina.
sina lukin e mun. mun li pana e suno walo lili. sina lon anpa suno mun.
seli lon sewi pi lawa sina li tawa sama kon, li suno pi jelo en pimeja. mi pilin pona lili, lukin awen e ni.

"n... ken la mi kama nasa lon seme mi?"
sina toki kepeken pilin pona ala lili.
mi kama lukin ala e sina lon tenpo ni.
"a, mi ike tawa sina. tan la mi kama pini e lukin tawa sina."
"sina ike ala. n, sina lukin tawa mi la mi kin li lukin tawa sina."
"a...?"

sina toki e ona la sina lukin tawa mi.
mi pilin pona ala pi loje lon lili.
mi kama len e luka wan tawa monsi pi sijelo mi.
luka wan mi li sama pipi. jan mute li lukin e luka ni la jan ona li pilin jaki.
tan ni la mi wile ala e ni: sina lukin awen e luka ni mi.
mi wile len e pilin ni la mi toki kepeken kon sama musi tawa sina.
"a..., mi pilin e ni: sina lukin e mi taso sina kama ala pilin musi. sina o pilin sama ni?"
"mi pilin sama ala... mi pilin pona. tan ni la... n..."
sina pini lili e toki lon tenpo lili.
taso, sina toki e ni.
"mi pilin pona e sina ale. luka sina kin."
sina toki en luka e luka pipi pi mi.
sijelo mi li tawa lili taso mi ken ala weka e luka sina.
mi lukin e luka sina lon unpa suno mun la mi pilin seli lili e ni.
tan ni: ken la mi pilin pona e toki sina ni.
jan mute li pilin pona ala e luka ni sama pipi. mi kin pilin ni.
taso sina luka e luka mi ni.
sinpin mi li kama loje tan pilin pona la sinpin mi li kama tawa sina ala.
tan ni la, mi toki lili taso e ni.
"... sina li nasa."
sina kute e ni en sina kama kalama kepeken pilin pona en musi.

ken la sina toki e ni tan e sina jo ala e pilin sina pi tenpo pini ale.
taso, mi ken pilin suli ala e ni.
jan ni li toki pi pona en pana seli lili tawa mi lon tenpo ni la ona li sina tawa mi.
sama mun ni... ona li lon anu lon ala, taso sina li suno lon pimeja tawa mi.

【今日だけ許して】

mi lukin e sitelen lape lon tenpo ni.
sitelen lape li ike tawa mi lon tenpo ale.
tan pali mi lon tenpo pini.
mi ken ala weka ale e sitelen lape ike e ike mi.
taso, sitelen lape ni taso li pona tawa mi lon tenpo ni.

mi pilin e ni lon ma lape ni: mun lili mute lon sewi pimeja. monsi jan pi len loje. kalama pi ilo tenpo. pana seli tawa mi.
mi kama len e seli pi pona.
mi sona e tan.
tan ni la, mi wile ala kama pini lape.
taso, mi kama pini lape la mi open e oko.

la mi lon tomo sina en sina poka lon mi.
luka sina li jo e luka mi.
tan ni la sitelen lape mi tan tenpo pini lili li seli.
sina lape lon tenpo ni. mi kute e kalama tenpo pona.

mi lukin e sina la luka sina wan ante li jo e ilo pi pali sina.
ilo ni li pakala la sina pilin ike.
mi wile tawa e ilo ni lon supa, taso luka mi wan li jo e luka sina en luka mi wan ante li kepeken ala.
ken la, mi weka e luka sina la mi kama tawa e ilo.

taso... mi pana lili e sijelo mi tawa sina, en mi pini e oko.
tan mi wile lukin e sitelen lape pi seli lon tenpo lili.
tenpo suno ni taso la o ken e ni.

【誰か】

mi lon ma ni. ma ni li seme?
ni li lon pimeja en lete.
kalama pi jan mute li jo e pilin jaki.
mi pilin e pakala loje. mi sona ala e pakala ni lon seme mi.
taso, mi sona e ni: mi jo e pakala, e ike, e jaki.
tan ni la, mi kalama. kin la jan mute.
ni li moli. ma ni li ma moli.

ken la tenpo suli, taso ken la tenpo lili, mi lukin walo lili pi seli lili tan lon.
mi pilin e ni: nasin ma ni li open.

luka mi li tawa walo. ni li pilin sewi tawa mi.
mi wile e ni: jan pi seme li jo e luka pi mi, li pana e walo en seli tawa mi.

kama la, luka pi jan seme li luka e luka mi.
luka pi jan seme li wawa tawa walo e sijelo mi.
sijelo mi weka e ma moli.
mi tawa ma mi tan luka pi jan seme.
ma mi... lon poka jan pi seme.
kama la, mi open e oko. en mi lukin jan seme... sina.