【安心と不安】

mi kama pilin pona lon luka sina.
ni li lon tan kalama sina, tan sijelo sina, tan seli sina.
tan ni la mi pilin pona.

taso, pilin lili pi pona ala li lon monsi pilin mi.
tan ni: mi lon luka sina.
tenpo kama lili la, mi lon ala luka sina la, mi kama pilin ike kin.

taso, mi ken ala toki e pilin mi ni.
tan ni: mi wile ala e ni: mi ike tawa sina.
pilin mi ni li sama musi nasa, li sama ijo jaki suli.
tan ni la mi wile ala pana e pilin mi ni tawa lukin sina.

wile mi ni li lon, taso oko mi li jo e telo tan lawa ala mi.
sina toki e tan ona tawa mi.
tan ni la mi toki e ni taso: sina luka e mi.

ni li lon ala ale. ni li lon lili taso.
ken la, lon lukin sina la telo oko mi li tan pilin pona mi.
mi wile e ni, mi wile e ni: sina sona ala e pilin mi.

mi open e uta mi la, ken la mi toki e wile jaki ni: sina o weka ala tawa mi.
taso, mi wile ala toki e ni.
tan ni la mi toki e nimi sina taso.
sama ni la, pilin mi li jaki ala, li sama ni taso: mi pilin pona tan lon luka sina.

nimi pi lon li jo e pilin jaki mi, taso mi wile ala e ni: pilin ni li lon lukin sina.

sina kama jo e sijelo mi kepeken wawa.
mi kama pilin e ni: tenpo ni li kama tawa pini.
tan ni la oko mi li weka e telo oko, li kama toki e nimi sina kin.

1/26/2026, 9:12:28 AM